n Matt 13:11 lees ons hoe Jesus vir sy dissipels sê "Aan julle is die insig in die geheim van die koninkryk van God gegee: maar vir die wat daarbuite is, bly alles net by gelykenisse, sodat hulle kyk en kyk en tog nie sien nie, en hoor en hoor en tog nie verstaan nie, dat hulle hulle nie miskien bekeer en vergewe word nie."
Wat is die geheim en wat beteken die geheim? 'n Geheim is iets wat met jou gedeel word wat iets van waarde inhou. Dit is iets wat heeldag in jou gedagte rondmaal en ook iets wat jy met ander wil deel.
As jy vir 'n kind sê dat iets 'n geheim is gaan hulle heeldag wonder wat dit is. Hulle gaan nie ophou om uit te vra nie. Jesus wil hê ons moet soos kinder word. In Matt 18:3 "Dit verseker Ek julle: As julle nie verander en soos kindertjies word nie, sal julle beslis nie in die koninkryk van die hemel kom nie."
Kom ons raak soos kindertjies en en hoor die geheim wat Jesus met ons deel. Kom ons maak ons ore en oë oop. Ons sal die geheim, wat Jesus met sy dissiples gedeel het, hoor en kan sien en dit ook met ander deel.
Gebed - Jesus ons is soos kinders voor U. Deel die geheim met elkeen wat hier lees en laat hulle hoor en sien hoe wonderlik U regtig is. Ons is elkeen weer soos 'n kind voor U.
AMEN
Comments