Gebed vir al die studente en skoliere

Vader, ek kom dra alle studente en skoliere aan U op. Here seën hulle met U teenwoordigheid waar hulle dalk tans esksamen skryf of dit dalk nog moet doen. Laat die Heilige Gees hulle gedagtes open om wat gevra word korrek te kan beantwoord.

Here wees U self die pen in die student se hand en die Heilige Gees die ink in die pen. Laat elke student of skolier die goedheid van U ervaar wanneer die uitslae bekend raak.

In die Naam van Jesus Christus bid ons dit.

Kom ons maak vandag die bid dag vir eksamen, wanneer jy tyd het bid vir ons land se studente en skoliere. Jy ken dalk iemand wat skryf, doen moeite in gebed.

Hoor Dawid se lied in Psalm 34:5 - Ek het die Here aangeroep en Hy het my geantwoord, Hy het my gered uit alle doodsgevare.