Paulus skryf vir die gelowiges in Klein-Asië die brief om hulle teen dwallinge in die gemeente te bkamp en hullee te herinner dat hulle alles in Christus het was nodig is.
Kolosense 1:21-23
Julle onthou mos hoe julle voorheen op die verkeerde pad was. Julle was nie God se vriende nie; inteendeel, julle was sy vyande. Julle slegte gesindheid het veroorsaak dat julle net so sleg opgetree het. Maar dinge het nou verander. Die Seun het vrede kom maak tussen God en julle. Juis daarom het hulle Hom liggaamlik doodgemaak. Sy doel was egter om so van julle iets besonders te maak. Hy wil dit so bewerk dat julle God heeltemal tevrede sal stel sodat daar niks in julle is waarvan God nie hou nie. Julle moet egter net vas bly glo. Staan vas soos ’n huis op stewige fondamente, onbeweeglik soos ’n paal wat diep ingekap is. Moenie ’n duim afwyk van die evangelie waarvan julle so oortuig geraak het nie. Dit is die evangelie wat oor die hele wêreld aan mense verkondig word. Met al my tyd en energie werk ek, Paulus, vir hierdie evangelie.
Met jesus wat vir ons aan die kruis om sterf het, is al ons sondes vergewe, ons is nuut gemaak deur die bloed van Jesus. Paulus doen 'n gebed vir die gelowiges in Efese in Efesiërs 3:16 -
Ek bid dat God, wat so wonderlik en sterk is, deur sy Gees vir julle die krag sal gee wat julle nodig het om geestelik julle man te kan staan.
Paulus kom doen dan nou ook vir ons voorbidding om sterk te staan in ons geloof. Ons moet nie toelaat dat dwalinge ons van die Here af wegtrek nie. Paulus sê in Kolosense 1:23, met al my tyd en energie werk hy vir die evangelie.
Ons moet glo dat Jesus ons sondes reeds vergewe het. Hy het vir ons die krag gegee om te lewe soos Hy wil hê ons moet lewe. Ek en jy moet volkome oortuig wees dat Jesus aarde toe gekom het en gesterf het om al ons sondes weg te neem. Daar is nie meer sonde op die klagstaat nie, dit is skoon. Ons moet dit glo en volle vetroue hê dat God ons verlosser is. Hy maak die pad vir ons gelyk.
Gebed
Ek bid dat God, wat so wonderlik en sterk is, deur sy Gees vir julle die krag sal gee wat julle nodig het om geestelik julle man te kan staan. So sal Christus deel van julle lewens word omdat julle op Hom vertrou. Julle lewens sal gebou wees op liefde. Deur ander met liefde te behandel sal julle lewens die vastigheid kry wat julle nodig het. Ek bid ook dat julle, saam met al die ander Christene, sal kan ervaar hoe lief Christus ons regtig het. Sy liefde kan ons nie met woorde beskryf nie: dit is te groot en wonderlik. G’n mens kan dit met sy verstand uitredeneer nie, want dit is baie groter as wat ons as mense is. Maar ek bid tog dat julle so ’n ietsie daarvan sal snap. Mag God julle lewens met sy teenwoordigheid oorspoel sodat daar nie ’n stukkie van julle lewens is wat nie deur God se teenwoordigheid geraak word nie. God is so magtig en sterk. Juis met daardie krag werk Hy ook in ons. Hy kan en het dinge vir ons gedoen waarvan ons nie eens kon droom nie. Hy verdien daarom al die eer wat die kerk het om te gee, veral as ons dink aan wat Christus Jesus vir ons gedoen het. Almal moet Hom so eer, nou, môre en tot in ewigheid. Mag dit so wees. ' Efesiërs 3:16-21
Komentar